Una sa Balita

Marian School sa QC, gibulabog sa bomb threat

0 357

Nag-panic ang mga tinun-an human nakadawat ug “bomb threat” ang tagdumala sa Marian School sa Barangay Sauyo, Novaliches, Quezon kagahapon sa buntag( Huwebes)..

Matud ni Quezon City Police District Station 4 Novaliches commander Lt. Col Rocel Cejas, nga mga alas-11:30 sa buntag (October 10) nakadawat silag tawag sa usa ka magtutudlo sa maong tunghaan nga adunay bomba nga giingong gitanum sa ilang tunghaan.

Tungod sa kahadlok gipahibalo dayun sa maong magtutudlo sa ilang principal ug opisyal sa tunghaan ang nadawat nga tawag busa nangayomsilag tabang sa mga otoridad, ug dayun gipagawas sa ilang tunghaan ang mga tinun-an ug magtutudlo

Daling miresponde ang mga sakop sa bomb squad ug Novaliches police sa tunghaan apan sa ilang pagsusi sa tibuok palibot sa tunghaan, wala silay nakita nga bisan unsang matang sa explosive device.

Subay niini gpapauli lang una sa tagdumala sa maong tunghaan ang mga tinun-an sa elementarya ug high school.

Gisusi pa karon sa kapolisan kung si kunsa ang anaa sa likod sa ‘bomb scare’ ug unsa ang iyang motibo niini. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy