Una sa Balita

Marcos sinupalpal ng Comelec sa pagsisinungaling

0 7,355

Tinuldukan na ng Commission on Elections (Comele­c) ang usapin tungkol sa pinagdedebatihang shading threshold sa nangyayaring ma­nual recount, nang iginiit nito na 25% ang minimum shade na tinatanggap ng mga makina noong nakaraang eleksyon, taliwas sa posisyon ng kampo ni datin­g Senador Ferdinand ‘Bongbong’ Marcos na 50% thres­hold dahil sa ito raw ang pinaiiral ng poll body.

Sa isinumiteng komento sa Supreme Court na umuupong Presidential Electoral Tribunal (PET), sinabi ng Comele­c na tinakda nito sa 25% threshold noong 2016 election upang sigu­ruhin na hindi masasa­yang ang mga boto dahil sa ‘inadequate shading,­’ habang pini­pigilan ang pagtanggap ng mga vote counting machine (VCM) sa ‘accidental or unintended small marks’ na maa­a­ring makita sa balota.

Ayon pa sa Comelec, nag-set sila ng threshol­d percentage upang pabilisin ang proseso ng pagboto—bilang aral sa karanasan noong 2010 election, kung saan ibina­balik pa sa mga botante ang kanilang balota kapag ni-reject ito ng VCM dahil sa inadequate shading.

Para sa ahensiya, dapat lamang obserbahan ng PET ang 25% threshold dahil ito ang nagsilbing basehan ng pag-deklara ng lahat ng nanalo sa national at local election noong 2016. Iginiit din nito na gaya ng PET, mayroon din silang ‘constitutiona­l power­,’ bilang tagapamuno ng halalan, upang magdesisyon tungkol sa lahat ng mga isyung pang-eleksyon.

Pinagsumite ng PET ang Comelec ng sarili nitong comment tungkol sa mosyon ng kampo ni Vice President Leni Robredo para sa 25% threshold, matapos pumanig ng Office of the Solicitor Genera­l—ang dapat na abogado ng ahensiya—sa paggamit ng lumang 50% threshold sa manual recount, para sa protestang inihain ni Bongbong Marcos.

Matapos ilabas ang nasabing comment, hindi naman ito matanggap ng kampo ni Marcos bagkus ay nag-akusa pa ang spokesman na si Vic Rodriguez ng ‘cons­piracy’ sa pagitan ng Comelec at ng kampo ng Bise Pre­sidente. Ayon sa kaniya­, itinakda ang 25% threshold matapos ang eleksyon upang pa­boran ang argumento ni Robredo.

Pinabulaanan naman ito ng kampo ng Bise Presidente, na nagsabing katawa-tawa ang patuloy na pagsisinu­ngaling ni Rodriguez, sa pagta­tangkang baliin ang katotohanang natalo si Marcos noong eleksyon.

Ayon kay Robredo, hindi totoo ang inaakusang conspiracy.