Abante Online
Abante is the leading Tagalog-language tabloid paper in the country.

Marcos ayaw ng death penalty

0 137

Hindi umano itutulak ng administrasyon ni Pangulong Ferdinand ‘Bongbong’ Marcos Jr. ang panukala para maibalik ang parusang kamatayan o death penalty, ayon kay Senador Juan Miguezl Zubiri.

Lumutang ang pagbuhay sa capital punishment matapos maghain si Senador Ronald ‘Bato’ dela Rosa ng panukala tungkol dito para naman sa mga big time drug traffickers.

“For example, death penalty, which I know hindi naman itutulak nitong administration na ito because I already asked the higher ups, hindi naman nila i-prioritize ito,” pahayag ni Zubiri sa panayam ng mga reporter.

“But for me, for example, big no-no for me na isu-support. I will not support, for example, death penalty or any bills that will infringe on human rights of the innocent. Anti-abortion din ako. I will not agree on abortion measures,” dagdag pa niya.

Sa kabila ng kanyang reserbasyon, tiniyak naman ni Zubiri na susunod sa legislative process at payagang mapagdebatehan ang isyu sa Senado.

“Bibigyan natin ng pagkakataon, for example, Senator Risa [Hontiveros] na ipagdebate ito sa plenaryo and pagbotohan. Hindi po tayo mag-obstruct nitong mga measures na ito,” saad pa ni Zubiri.

“At the end of the day, botohan na lang natin na kung manalo siya (let us vote for it, if she wins) and I lose my vote, then so be it,” sambit pa ng susunod na Senate president. (Dindo Matining)

Leave A Reply

Your email address will not be published.