Una sa Balita

Marcial paksa ang D-League sa TOPS Usapang Sports

0 340

MAKIKILATIS ang katatagan ng mga koponan sa PBA D-League sa pagbisita ni PBA Commissioner Willie Marcial at team coaches sa ‘Usapang Sports’ ng Tabloid Organization in Philippine Sports (TOPS) ngayon, Huwebes sa National Press Club sa Intramuros, Manila.

Magbibigay ng kanilang pananaw at programa ang mga opis­yal ng 20 koponan, habang maglalahad ng kanyang obserbasyon si Marcial sa ka­handaan ng liga na magbubukas sa Araw ng mga Puso (Feb. 14) sa Ynares Sports Arena sa Pasig City.

Dadalo rin sa prog­rama na nakatakda sa ganap na alas-10:00 ng umaga sina PBA Deputy Director Eric Castro, coaches na sina Bonnie Tan ng Petron-Letran, Frankie Lim ng Perpetual Help, Rensy Bajar ng Diliman College-Gerry’s Grill, Yong Garcia ng Marinerong Pilipino, Jino Manansala ng St. Clare-Virtual Rea­lity, Mark Herrera ng AMA University at Alvin Grey ng Trinity University-The Masterpiece.

Suportado ang TOPS ‘Usapang Sports’ ng Phi­lippine Sports Commission (PSC), sa pamumuno ni Chairman William ‘Butch’ Ramirez at National Press Club (NPC), sa panga­ngasiwa ni Rolando ‘Lakay’ Gonzalo at ng Kamuning Bakery.

Ang pinakabagong media sports organization ay binubuo ng mga lehitimong editors, reporters, columnists at photographers ng mga panguna­hing tabloid na pahayagan sa bansa.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy