Manny cheesy kay kumander

MABANGIS sa loob ng boxing ring pero napakaamong tupa sa pamilya lalo na sa kanyang pinakamamahal na asawa si ‘Pambansang Kamao’ Manny Pacquiao.

Inilabas ng eight-division world champion ang pagiging romatiko dahil bago matapos ang Araw ng mga Puso nitong Pebrero 14 ay may pabaon itong sweet message sa misis niyang si Jinkee.

“Love is wherever you are Jinkee Pacquiao. Happy Valentine’s Day Babe,” simple pero cheesy na mensahe ng 42-anyos na boxer nitong Linggo ng gabi.

Kasabay ng buzzer beater na public post ni Pacman hinggil sa matamis niyang pagbati ay binahagi rin ng Pambansang Kamao ang mga larawan nila ng kabiyak na magkasama sa iba’t ibang lugar. (Aivan Episcope)