Manila vice mayor nabakunahan na kontra virus

Kabilang si Manila City Vice Mayor Maria Sheilah Lacuna-Pangan sa mga unang nabakunahan kontra COVID-19, sa nasabing lingsod.

Kasama niya rin na naturukan ng bakuna ng Sinovac sina Acting City Health Officer Arnold ‘Poks’ Pangan, at mga opisyal ng iba’t ibang ospital sa Maynila.

Hinikayat ng bise alkalde, na isa ring doktor, ang publiko na magpabakuna para magkaroon rin ng proteksyon laban sa virus.

Si Mayor Isko Moreno naman, ay maghihintay pa umano ng susunod na bakuna dahil kailangang unahin sa ngayon ang mga frontliner.

Nabatid na may 3,000 Sinovac vaccine ang binigay sa Maynila at inilaan sa mga frontliner. (Juliet de Loza-Cudia)