Una sa Balita

Mandu ni Duterte sa bag-ong hepe sa AFP: Hunongon ang problema sa komunista

0 175

Gusto ni Presidente Rodrigo Duterte nga taposun o tuldukan sa bag-ong liderato sa Armed Forces of the Philippines (AFP) ang problema sa grupo sa komunista.

Kini ang marching order sa Presidentw sa bag-ong napili niining AFP Chief of Staff nga si Lt. Gen. Noel Clement.

Matud ni Presidential Spokesman Salvador Panelo nga gusto sa Presidente nga ipadayun ni Clement ang tinguha sa kagahanan nga mahuman ang problema sa mga lokal nga komunista.

Nagtuo ang Palasyo nga dili na bago sa incoming Chief of Staff tungod sa lapad niini nga kasinatian sa gihuptang puwesto.

“One of the marching orders of the President is to continue the governments’s goal to end the local communist armed conflict,” matud ni Panelo.

Si Clement maoy kanhi nangulo sa AFP Central Command, Philippine Army’s 10th Infantry Division ug nahimong Deputy Chief of Staff for Operations sa Armadong Kusog sa nasud.

Masaligon ang Malacañang nga iipadayun sa incoming AFP chief ang taas nga level sa propesyonalismo, dedikasyon ug integridad sa han-ay sa Armadong Kusog nga padayung manalipod sa nasud ug sa katawhan.

“The Palace is confident that with General Clement at the helm of the AFP, he will continue to uphold the high degree of professionalism, the dedication and the integrity our soldiers have displayed to the flag and country,” dugang pa ni Panelo. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy