Una sa Balita

Manacnes, Lacsamana reyna’t hari sa 100k

By
0 1,052

NASABAT ng tubong Kaya­pa, Nueva Vizcaya pero residente na ng Baguio City na si Novena Menci Manacnes ang pangala­wang niya titulo sa mahabang takbuhan sa kabundukan ngayong taon.

Pinamayagpagan ng may anak na dalawang lalaki at kawani ng Sitel Phils. Corp. ang kahaharabas lang na 2018 Four Lakes 100K and Old Spanish Trail 50K na nilargahan paalis at pabalik sa Kayapa Central School sa Kayapa, Nueva Vizcaya.

Tinugaygay ni Ma­nacnes ang 100-kilome­trong rutang bumaybay sa mga matatarik, mababato, magugubat, at madudulas na daan sa loob ng 19 na oras, 58 minuto’t 56 na segundo para maupo sa trono.

Siya rin ang pumrimera sa 2018 Mount Ugo Marathon na ginanap din sa nabanggit na lugar sa kaagahan ng taon.

Nakuntento na lang sa segunda si Melanie Hingpit (20:19:24) at tersera si Agustoralin Sabanal (22:25:16).

Uno-dos-tres sa 4L 100 male side sina Ahlecks Lacsamana na may clockings na 17:07:34, Felmer Hiponia na may 17:42:12 at Robert Watson nagpatak sa orasan ng 17:46:58.

Sa OST 50K, 1-2-3 sa men’s division sina Al Tellias (7:32:16), Russell Allen Ventura (7:43:13) at Leonardo Padaoan (7:59:22).

Sinakop naman ang women’s podium nina Jessica Amos (9:55:10), Renee Taguibos (10:35:32) at Rocelda Frayna (11:25:33).