Una sa Balita

Magsuon nga NPA nga mipatay sa ilang uyoan , nadakpan

By
0 54

Nasikop sa mga operatiba sa Quezon City Police District (QCPD) ang magsuon nga lalaki nga viingong sakop sa New People’s Army (NPA) ug wanted sa pagpatay sa ilang uyoan sa Ormoc City.

Giila ni QCPD Director, P/ Chief Supt. Joselito Esquivel Jr. nga ang mga nasikop nga mao silang Dennis Noval, 22, ug Marvin Noval, 20, mga molupyo sa Ormoc City.

Nadakpan ang magsuong Noval sa hiniusang puwersa sa mga operatiba sa QCPD-Novaliches Police Station 4, ug Ormoc City Police Station, pinaagi sa gahum sa ‘warrant of arrest’ nga giisyu ni Presiding Judge Girlie Borrel-Yu, sa Ormoc City Regional Trial Court Branch 35 tungod sa kasong murder.

Sa report, una nga nasikop si Dennis mga alas-6:15 sa gabii sa Bagbag Novaliches Public Market samtang mga alas-6:30 sa gabii ilang nasiko si Marvin sa Dumalay St., Brgy. Sta. Monica, Novaliches.

Matud ni Esquivel, ang magsuong Noval sakop NPA “Abe” Squad Sub Committee “LEVOX” nga nag-operate sa Leyte.

Sila usab ang gitudlo nga mipatay sa ilang kaugalingong uyoan niadtong Enero 2018 human kini mapasanginli nga impormante sa kagamhanan. Nagtagotago ang mga suspek sa Novaliches diin nasikop kini sa kapolisan.

Sa nadawat nga impormasyon sa kapolisan ang magsuon nalakip kini sa nahitabong engkwentro sa tali sa NPA ug Philippine Army 78th Infantry Battalion sa Albuera, Leyte.