Magnitude 4.8 yumanig sa Sultan Kudarat

Nayanig kahapon ang Sultan Kudarat nang tumama ang magnitude 4.8 magnitude na lindol.

Ganap na ika-6:51 ng umaga nang maganap ang lindol sa 1 kilometro hilagang-silangan ng Columbio, ng Sultan Kudarat.

Ayon sa Philippine Institute of Volcanology and Seismology (Phivolcs), tectonic ang nasabing pagyanig na may lalim na 20 kilometro.

Naramdaman ang Intensity 3 sa Tampakan, South Cotabato, habang Intensity 2 sa General Santos City.

Naitala naman ang instrumental Intensity 4 sa Koronadal City, South Cotabato habang Intensity 3 sa Malungon, Sarangani, Intensity 2 sa General Santos City habang Intensity 1 sa Alabel, Sarangani.