Una sa Balita

Lola nga adunay cancer nakadaug sa P50M sa lotto

By
0 343

Nakadaug ang usa ka 65-anyos nga lola nga cancer patient ang P50 milyon jackpot prize sa 6/49 Super Lotto nga gibola niadtong Dominggo sa gabii,Disyembre 1.

Personal nga miadto sa buhatan ni Philippine Charity Sweepstakes Office (PCSO) General Manager Royina Marzan Garma ang maong lola nga gikan sa Cavite ug nakadinati kinig nasophryngeal cancer aron iyang kuhaon ang iyang nadag-ang kantidad.

Matud ni Garma, nga walay kabutangan ang kalipay nga nasinati sa jackpot winner dihang personal nga gihuptan ang tseke sa iyang nadaug.

Wala damha sa lola nga human sa 30 ka tuig niyang pagpusta sa lotto makadaug ug masolo pa niya ang dakung jackpot prize.

Gikatakda nga magsaulog kini sa iyang adlaw nga natawhan ang lotto winner sa sunod nga semana busa gihulagway niyang labing maayong birthday ug Christmas gift ang iyang kadaugan.

Nasayran nga dugay na nga nakasinati og nasopharyngeal cancer ang lola ug usa siya sa mga beneficiaries sa PCSO, nga nakadawat financial ug medical assistance alang sa iyang chemotherapy.

Matud ni Garma, Disyembre 1 mipusta ug lucky pick sa 6/49 Superlotto ang lola, gikan sa selling outlet sa Baclaran, ug gisuwerting nakadaug sa winning lotto combination nga 5-38-09-17-10-15.

Plano sa lola nga gamiton ang nadag-ang premyo sa iyang pagpatambal ug pagtabang sa iyang mga paryente.

Gawas kaniya, adunay 10 ka lucky winners rin ang midaug og tag P70,000 sa maong lotto draw, human nila nakuha ang lima sa unom nga winning combination.

This website uses cookies to improve your experience. We'll assume you're ok with this, but you can opt-out if you wish. Accept Read More