Abante Online
Abante is the leading Tagalog-language tabloid paper in the country.

Lockdown sa BGC construction site: 6 trabahador COVID carrier

0 933

Inutos ng pamahalaang lokal ng Taguig City na i-lockdown ang isang construction site sa Bonifacio Global City kung saan anim na mga trabahador ang nagpositibo sa coronavirus disease 2019 (COVID-19).

Tatagal ang lockdown ng dalawang linggo o hanggang Hulyo 7 base sa rekomendasyon ng Safe City Task Force.

Ayon sa lokal na pamahalaan, Hunyo 18 nang puntahan ng City Epidemiology and Disease Surveillance Unit ang construction site matapos makatanggap ng impormasyon na nagkaroon ng sintomas ng sakit ang ilan sa mga trabahador nito.

SM SuperKidsDay Banner Ad

Hindi binanggit ng pamahalaang lokal kung anong kompanya ang pinapasukan ng mga nabanggit na trabahador.

Napag-alaman na mula sa 27 trabahador na sumailalim sa COVID-19 test, anim sa kanila ang nagpositibo.

Isinailalim din ang iba pang trabahador sa dengue, typhoid, at Zika virus test.

Habang ipinatutupad ang lockdown, isasara ng Taguig City Police at mga BGC marshal ang construction site. Regular din na imo-monitor ang kondisyon ng mga trabahador. (Riz Dominguez)

In-house Wendys Banner – square

Leave A Reply

Your email address will not be published.