Una sa Balita

Lisud ipatuman ang Universal Health Care sa 2019 – DOH Sec. Duque

By
0 49

Giangkon ni Department of Health (DOH) Secretary Francisco Duque nga lisud ipatuman sa unang tuig ang Universal Health Care (UHC) Program sa Philippine Health Insurance Corporation (PhilHealth) nga siguradong mahimong balaod sa Disyembre.

Sa hearing sa Senate committee on health kabahin sa badyet sa ilang ahensya, matud ni Duque nga andam ang DOH nga ipatuman ang programa apan sigurado mahikong isyu kun asa kuhaon ang P257 bilyon nga gikinahanglan alang niini sa 2019.

Mahimong isyu usab ang mga moluyo sa lagyong dapit nga walay health facilities.

“Yes, sir, we are ready to implement it but this is a low budget bullet, this is not a panacea. It is something that we cannot and we must not promise the moon and the stars,”matud ni Duque sa mga panguta sa mga senador.

“The first year of implementation will show some kinks but as they say we have to learn from the lessons the gaps will present when the first year of implementation is made,” dugang pa ni Dique.

Matud ni Senate President Tito Sotto nga adunay gigahin nga budget alang sa UHC bisan dili pa mahimong balaod ang sugyot nga balaodnon nga patas-an ang buhis sa mga tobacco product.