Una sa Balita

Lider ng gun for hire, 1 pa todas sa Rizal shootout

By ,
0 259

PATAY ang dalawang ­la­laki kabilang ang lider ng isang gun for hire group na responsable sa ilang patayang naganap sa Antipolo City nitong nakaraang Mayo matapos­ ang naganap na shootout laban sa pulisya ­kamakalawa nang hapon sa Binangonan, Rizal.

Dead on-the-spot ang mga suspek na sina Jeffrey Landingin, lider ng Landingin Gun for Hire Group, at Richard Alcantara matapos na maki­pagbarilan ang mga ito sa mga tauhan ng Regional Intelligence Division ng Police Regional Office (PRO) 4-A.

Nakuha sa mga suspek ang dalawang kalibre .45 baril, isang super 38, at isang caliber .40 gayundin ang mga bala nito.

Base sa ulat na isinumite ni Sr. Supt. Lou Frias Evangelista, Rizal Provincial Director kay PRO 4-A Regional Director Chief Supt. Edward Carranza, naganap ang insidente dakong alas-3:45 nang hapon sa Benjies Apartelle sa kahabaan ng Manila East Road sakop ng Brgy. Pantok, Bina­ngonan, Rizal.

Nauna dito, dakong alas-11:00 nang umaga nang mamataan ng awtoridad ang kulay asul na Honda Accord na may plakang MUS-777 na sinasakyan ng mga suspek.

Binuntutan ng mga pulis ang sasakyan hanggang sa umabot sila sa nabatid na apartelle na hideout­ ng mga suspek at nang makahalata ang mga ito ay pinaputukan ang mga pulis hanggang sa mauwi sa ­engkuwentro.

Ayon kay Evangelista,­ ang grupo­ ni Landingin ang ­responsable sa pagpatay kina Col. Ramy Tagnong, chief legal officer ng PRO 4-A, Pinatong Bukawe, San Mateo, Rizal Barangay­ Chairman Danilo Laciste, at retired police officer Rody Lico, na tumakbo namang barangay chairman nitong nakaraang eleksyon. Edwin Balasa,Vick Aquino

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy