Una sa Balita

Liboan ka OFW apektado sa travel ban sa Taiwan – Pangilinan

By
0 150

Nangayog klarong pagpasabot si Senador Francis Pangilinan sa Department of Health sa desisyon niini sa paglakip Taiwan sa travel ban taliwala sa hulga sa COVID-19.

Sa gipatumang paghigpit, matud ni Pangilinan, liboan ka mga Pilipinong biyahidor ang apektado –lakip na ang 154,000 ka overseas Filipino workers nga nagtrabaho sa Taiwan.

“Dahil ba sa novel coronavirus ang ban? Mayroon bang panganib sa kalusugan ng mga Pilipinong papunta at galing Taiwan?” pangutana ni senador.

Matud ni Pangilinan, dili angayang mopatigbabaw ang pagsunod sa administrasyon sa gitawag nga One China Policy subra pa alang sa kaayuhan sa mga OFW sa Taiwan nga dilikadong mawagtangan ug trabaho ug ang bugtong nilang gikuhaan sa ilang panginabuhi.

“Ang pag-iwas sa pagkalat ng virus at pangangalaga sa kalusugan ng mga Pilipino lamang ang makatuwirang dahilan sa pagbabawal, hindi ang political consideration sa China, na itinuturing ang Taiwan bilang isa sa kanilang Special Administrative Regions,” matud niini.

Sayo niini mibahad ang Taiwan na bawion niini ang visa free entry sa mga Pinoy.

Wala usab mabalaka ang Palasyo sa hulga sa Taiwan nga manimalus tungod sa gihimong aksiyon sa kagamhanan nga travel ban sa maong nasud.

This website uses cookies to improve your experience. We'll assume you're ok with this, but you can opt-out if you wish. Accept Read More