Una sa Balita

LGUs, publiko kinalampag ng FDA sa nagkalat na medical device

By
0 1,526

PINAPAYUHAN ng Food and Drug Admi­nistration (FDA) ang publiko at lahat ng mga health care professional laban sa pagbili at paggamit ng mga hindi rehistradong medical device product.

Inilabas ng FDA na ang mga hindi rehistrado ay ang Scalp Vein Set, Medical Supply Co. Disposable Infusion Set, at Cardinal Care Premiu­m Disposable Syringes with Mounted Needle.

Napatunayan sa pamamagitan ng Post-Marketing Surveillance (PMS) ng FDA na ang nasabing mga medical device pro­duct ay hindi dumaan sa proseso ng rehistrasyon ng ahensya at hindi nabigyan ng kaukulang awtorisas­yon tulad ng Certificate of Product Registration (CPR).

Abante Hiring – IT dep

Dahil ang hindi re­histradong mga pro­duk­tong ito ay hindi dumaan sa proseso ng pagsusuri at pag-e-eksamin ng FDA, hindi masisiguro ng ahensya ang kalidad at kaligtasan nito.

Ang nasabing iligal na produkto ay maa­aring magdulot ng pa­nganib sa kalusugan ng mga gagamit nito.
Hinihiling ng FDA sa lahat ng Local Go­vernment Units (LGUs) at Law Enforce­ment Agencies (LEAs) na tiyaking ang produktong ito ay hindi maibebenta o magagamit sa kanilang mga nasasakupan.