Una sa Balita

Level sa tubig sa Angat Dam misamot ka kritikal

0 265

Misamot ka kritikal ang lebel sa tubig sa Angat Dam kagahapon Dominggo (June 23), matud sa Philippine Atmospheric, Geophysical and Astronomical Services Administration (Pagasa).

Matud sa Pagasa, ang water level sa Angat Dam kaganihang ala-6 sa buntag Dominggo anaa sa 159.43 meters na lang, mas ubos sa 159.78 meters niadtong Sabado sa buntag.

Ang natalang water level mas ubos sa critical water level nga 160 meters.

Bisan ang water level sa ubang mga mga dam sa nasud miubos usab – Ipo Dam (-0.50 meters), Binga Dam (-0.21 meters), San Roque Dam (-0.47 meters), Pantabangan Dam (-0.07 meters), Magat Dam (-0.41 meters), ug Caliraya Dam (-0.10 meters).

Samtang ang water level sa La Mesa ug Ambuklao Dams misaka kagahapon Dominggo sa buntag nga miabot sa 68.65 metro ug 740.59 metro.

Niadtong Sabado gikuhaan sa National Water Resources Board ang water allocation alang sa Metropolitan Waterworks and Sewerage System (MWSS) ug sa mga concessionaire niini dihang miubos ang water level sa Angat Dam sa kritikal nga level. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy