Una sa Balita

Level sa coliform sa Manila Bay, nakuhaan na

0 312

jess campos

Padayun nga miubos ang fecal coliform level sa Manila Bay subay sa mga rehabilitation effort sa kagamhanan aron maluwas ang dagat.

Sa usa ka presscon sa Maynila, gipahibalo ni Department of Environment and Natural Resources (DENR) Secretary Roy Cimatu nga nakatabang ug daku ang pagpasirado sa pipila ka mga pribadong establisimyento duol sa Manila Bay, ug ang pagpasirado sa Manila Zoo nga nadiskubreng walay kaugalingong sewage treatmant plant busa diretso sa kanal ang hugaw niini nga mipaingon usab sa Manila Bay.

Sa monitoring sa DENR, hangtud niadtong miaging semana daku na kaayo ang improvement sa kalidad sa tubig sa dagat tungod kay miubos ang coliform content.

Apan gitataw sa DENR nga wala pa gihapon kini masulod sa standard nga 100 Million Most Probable Number (MPN) alang sa recreational activities sama sa swimming ug diving.

Sa labing katapisan nga laboratory analysis, ang kanhi 1.33 billion MPN sa area sa Antonio de Abad miabot nalang sa 130 million MPN na lang.

Sa area usab sa Remedios o sa duol sa Aristocrat, ang kanhi 160 million MPN miubos na sa 25.5-million MPN.

Kumpiyansa ang DENR nga padayun nga moubos ang coliform level sa Manila Bay sa pagpadayun sa rehabilitasyon.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy