Una sa Balita

Lalaki patay human mikaun og 41 ka itlog

0 192

Patay ang usa ka lalaki uman niya kauna ang dul-an sa 50 ka itlog tungod sa challenge sa iyang higala.

Nagkasabot ang biktimang si Subhash Yadav, 42, ug wala hinganli nga higala sa Bibiganj market sa Jaunpur City, India aron mokaun og itlog niadtong Nobyembre 4, matud sa Khaleej Times report.

Misangpot na hinuon sa panaglalis ug naghagitay kung kinsa ang makahurot ug 50 ka itlog maoy modaug og 2,000 rupees o P1,400 cash.

Misugot sa hagit si Yadav ug nahimong mikaun og 41 ka itlog apan kalit kining nawagtangan og panimout ug natumba human mokaun unta sa ika 42 nga itlog.

Daling gidala si Yadav sa duol nga tambalanan human kini mi-collapse sa wala pa kini gibalhin sa Sanjay Gandhi Post Graduate Institute of Medical Sciences apan wala kini maluwas ug nakabsan sa iyang kinabuhi.

Giingong namatay si Yadav tungod sa overeating. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy