Una sa Balita

Konsihal ug iyang misis namahaw ug bala

0 141

Patay ang usa ka municipal councilor ug iyang asawa human sila gipamusil samtang namahaw sa ilang panimalay Dominggo sa buntag sa lungsud sa Paranas, Samar.

Giila ang namatay nga mga biktima nga si Claudio Gabiana, 55, municipal councilor sa lungsud sa Jiabong, ug misisniya nga si kanhi Barangay Jose Rono chairwoman nga si Asuncion Gabiana, 56.

Sa taho sa kapolisan nahitabo ang pagpamusil pasado alas sais sa buntag samtang namahaw ang mga biktima sa ilang panimalay sa Barangay Jose Rono.

Human ang insidente daling mipahilayo ang mga suspek samtang gisiwayan pa nga gidala sa labing duol nga tambalanan ang mga biktima apan gideklarar silang dead on arrival sa mga doktor.

Nasayran nga nakasulod sa pultahan sa likod nga bahin sa ilang balay ang suspek ug sa dihang nakasulod na gipamusil ang magtiayun.

Nagpadayun pa ang gihimong imbestigasyon sa kapolisan kabahin sa maong hitabo. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy