Una sa Balita

Koko, Sara, Bong Go ‘Top 3’ sa internal survey sa PDP-Laban

By
0 151

Sikit ang mga puntos sa tulo nga gikunsiderar nga senatorial bet sa PDP-Laban sa gihimong survey sa partido.

Gihimo ang survey sa leadership assembly sa PDP-Laban niadtong miaging Biyernes.

Matud ni Ronwald Munsayac, chief sa Public Information committee sa partido, gipapili ang ang mga mitambong sa 22 nga gikonsiderar sa partido nga ilakip sa ilang senatorial slate.

Nag-una si Senador Koko Pimentel sa internal survey sa PDP-Laban alang sa mga posibleng mokandidato sa pagkasenador sa Mayo 2019.

Nakakuha si Pimentel ug 175 boto gikan sa 184 respondent nga gilangkoban sa mga kongresista ug mga lider sa partido gikan sa nagkadaiyang lungsod, siyudad ug lalawigan.

Ika duha si Davao City Mayor Sara Duterte-Carpio nga nakakuha ug 155 boto samtang 153 ka boto usab ang nakuha ni Special Assistant to the President Christopher Go.

Nagsunod usab silang Sec. Francis Tolentino (125) nga Presidential Adviser on Political Affairs, Davao City Congressman Karlo Alexei Nograles (116) ug Sen. Sonny Angara (112).

Ikapito nakuha ug daghang botos si kanhi PNP Director General Ronald ‘Bato’ dela Rosa, nga nakakuha ug 110 ka botos, gisundan nilang Sen. Cynthia Villar (103) ug Taguig Congresswoman Pia Cayetano (100).

Nagsunod si Maguindanao Cong. Zajid ‘Dong’ Mangungudatu (95), Presidential spokesman Sec. Harry Roque (87), Senador JV Ejercito (85) ug Sen. Grace Poe (85).