Una sa Balita

Kinahanglan nga responsable sa paggamit sa social media – NPC chief

By
0 259

Ayaw pagpailad ug pangilad gamit ang Facebook (FB) ug Instagram (IG)

Matud ni Raymund Liborio, Commissioner ug Chairman sa National Privacy Commission (NPC) nga kini maoy leksyon sa pagsirado sa 220 FB page, 73 accounts ug 29 IG accounts tungod sa paglapas sa ilang mga business ug community policy.

Matud ni Liborio, nga nagmatuod kini nga adunay migamit sa FB ug IG aron magpakatap ug sayop na balita ug impormasyon busa dili kanunay nga motuo sa mga nakita niini.

Angayang tuhuan ang mga nailhan ug lehitimong tawo o ahensya alang sa balita ug mga kasayuran.

“Dapat siguruhin ang source ng balita dahil totoong may mga gumagawa ng fake news,” matud ni Liborio.

Miinon usab kini nga kinahanlan nga responsable ug dili moabuso sa social media network sama sa FB aron walay madaut.

Gisiraduhan sa FB ang Twinmark Media Enteprises, usa ka digital marketing company, lakip na ang mga subsidiary niini, nga adunay minilyon ka follower.

Lakip sa gitangtang ang mga fake account, nga nagpakatap ug sayop nga kasayuran ug nag-usab sa pangalan sa account ug usab ang sulod niini dihang midaghan ang ilang mga follower.

Matud ni Liborio nga usa ka pribadong kompanya ang FB busa kaugalingon kining desisyon ang pagtak-up sa mga account , hinuon nagpahibalo ang NPC.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy