Kickboxing form tagumpay

Limang koponan ang nagsipagwagi ng tigalawang gintong medalya sa 2020 Samahang Kickboxing ng Pilipinas Online Musical Forms Tournament Sabado.

Pinaghatian ng Team Eagle – GenSan, Team Builders, RSR Filipino Martial Arts Academy, Kafagway at DPE-Iloilo ang 10 sa pinaglabanang 13 gintong medalya upang pangunahan ang mahigit na 40 koponan sa buong bansa na sumali sa torneo.

Napunta ang tatlong natirang ginto sa PhilKamao Main, Team Lionheart Taekwondo at MaxFusion.

Asam ng torneo na maipamalas ang pinakabagong disiplina sa sports na kickboxing na nakatuon sa porma at hiwalay sa tradisyunal na combat. (Lito Oredo)