Una sa Balita

Kaso sa BFF ni Mocha na nag-bomb joke tinukuran ng Palasyo

By
0 1,385

HINDI lisensiya ang paghingi ng paumanhin para makalusot sa kaso ang blogger na si Drew Olivar kaugnay sa kanyang bomb joke sa ­social media.

Sinabi ni Presidential Spokesman Harry Roque na kahit nag-sorry na si Olivar sa ipinatawag na presscon ng Philippine National Police (PNP) ay hindi ito inabsuwelto.

Katunayan ay tinuluyan aniyang kasuhan ng PNP-National Capital Region si Olivar at bahala na ang korte na magdetermina kung may nalabag ito sa Presidential Decree 1727 o ang Anti-bomb Joke Law at paglabag sa Republic Act 10175 o ang Cybercrime Prevention Act of 2012.

“Bahala po sila diyan dahil alam naman nina General Eleazar at General Albayalde ang kanilang mga trabaho. I have nothing but the highest respect for both of them,” ani Roque.

Sinabi ng kalihim na bahala na ang pulisya na tumutok sa kaso ­laban kay Olivar.

Noong Sabado ay nagtungo si Olivar sa NCRPO Headquarters at sinamahan ng kaibi­gang si Presidential Communications Ope­rations Office (PCOO) Assistant Secretary ­Mocha Uson para tanungin kung may nalabag na batas, kasabay ng paghingi ng ­paumanhin sa publiko.

Tiniyak naman ng PNP na hindi bibigyan ng special treatment ang blogger kapag napatunayang lumabag ito sa batas.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy