Kargador nahulihan ng 220 gramo ng shabu

Umaabot sa P1.49 mil­yong halaga ng shabu o nasa 220 gramo ang nasabat sa isang kargador sa ikinasang buy-bust operation Sabado nang madaling-araw sa Cebu City.

Nakilala ang suspek na si Alvin Lopez Fegarido, 29-anyos, taga-Cebu City at kinikilalang high-value drug personality sa Cebu.

Inaresto ang suspek ala-una nang madaling-araw ng Sabado sa Sitio Riverside, Villagonzalo 1, Barangay Tejero, Cebu City matapos isailalim sa 3 linggong surveillance. (Vick Aquino)