Una sa Balita

Kanhi mayor sa Medellin, Cebu gipusil – patay sulod sa iyang kuwarto sa tambalanan

0 228

Patay ang kanhi Mayor sa lungsud sa Medellin sa lalawigan sa Cebu human sulonga sa gibanabana nga moabot sa 15 ka armadong mga lalaki ang ospital diin siya na-confine ug gipusil sa maong lungsud.

Dead on the spot tungod sa mga igo sa mga bala sa nagkadaiyang bahin sa lawas ni kanhi Medellin Mayor Ricardo Rodriguez Ramirez human kini pusila sa mga suspek sa sulod sa Bogo- Medellin Corporation Medical Center nga nahimotang sa Barangay Luy-a sa maong lungsud.

Base sa inisyal naga taho nga gipadala sa Police Regional Office (PRO) 7 sa Camp Crame, mga alas-11:50 sa gabii miabot sa maong tambalanan ang upat ka SUV sakay ang 15 ka armadong lalaki ug daling gidis-arhan ang guwardiya sa maong tambalanan.

Matud ni Police Major Audie Pelayo, hepe sa Medellin Municipal Police Station (MPS), miadto sa nurses station ang mga armadong lalaki ug nangutana kung asa ang kuwarto ni Ramirez ug tungod sa kahadlok ilaha kining gitudloan.

Pag-abot sa kuwarto ug nakit- an sa biktima ang mga armadong lalaki misuway kinig dagan ug mitago sulod sa pansayan, apan gisundan kini sa mga suspek ug didto gipamusil.

Samtang wala hinoun unsaa sa mga suspek ang nagbantay nga jailguard nga gidisarmahan usab sa iyang armas ug ang girlfriend sa anak sa kanhi mayor nga anaa sa sulod sa private room niini ug dali usab nga mipahawa human matinu nga patay na ang ilang target.

Kahinumduman si Ramirez tulo ka terminong nagsilbi isip mayor sa lungsud sa Medellin sukad niadtong 2007 hangtud sa 2016 ug usa sa mga high value target sa war on drugs sa kapolisan.

Nadakpan si Ramirez niadtong 2017 tungod sa kasong illegal possession of firearms ug nabilanggo apan gitugutan sa korte nga ipaubos sa hospital arrest tungod sa giingong sakit niini.

Sapagkakaron gisusi pa sa kapolisan kung si kinsa ang responsable sa pagpusil patay ni Ramirez tungod kay walay CCTV ang maong tambalanan. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy