Una sa Balita

Kanhi Mayor Luisa Loot, gihukmang mabilanggo sulod sa 15 ka tuig

0 331

Sa bilanggoan puy-an ni kanhi Daanbantayan, Cebu Mayor Maria Luisa Loot ang iyang 15 human siya hukmi kabahin sa livelihood project sa municipal government niadtong siya pa ang mayor.

Nasayran nga ang mister ni Maria Luisa nga si kanhi Daanbantayan Mayor Vicente Loot nalakip sa narco list ni Presidente Rodrigo Duterte.

Subay sa desisyon sa Sandiganbayan Seventh Division, gihulmang mabilanggo ug unom hangtud sa walo ka tuig silang Maria Luisa ug kanhi councilor Samuel Moralde tungod sa graft ug ang duha hangtud sa pito ka tuig usab alang sa malversation.

Dili na usab mahimong makahupot ug bisan unsang posisyon sa gobyerno ang duha ug gipabayad ug P500,000.

Nag sugod ang kaso nila tungod sa pag-grant og loan na P500,000 sa usa ka private organization nga RBA Quail Raisers Association niadtong 2007, diin kanhi chairman niini si Moralde.

Giingong misulod si Loot sa memorandum of agreement (MOA) sa RBA aron siya ang mo-finance sa quail egg farming operation niinu isip kabahin sa ilang livelihood project.

Giingong dili aprubado sa Sangguniang Bayan ang maong MOA samtang dili usab accredited organization ang RBA niadtong panahona. Nagpabiling wala mabayri ang maong loan. (Jess Campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy