Una sa Balita

Ka-live in binurdahan ng saksak dahil sa selos

By
0 2,643

Nadiskubreng wala nang buhay ang isang babaeng production o­pe­rator matapos umanong saksakin ito ng kanyang ka-live in sa Mabuhay City Subd., Brgy. Bac­laran, Cabuyao City, Laguna, kamakalawa ng madaling-araw.

Kinilala ang biktima na si Marian Valenzuela y Balucan.

Ayon sa isang Marites Valenzuela, kapatid ng biktima, bandang alas-kuwatro ng madaling-araw nang makatanggap umano ito ng isang text message buhat sa suspek na si Ryan Egoc, 28-anyos, isang matadero, na umano ay nasaksak niya ang biktima.

Matapos ipagbigay-alam sa mga pulis, agad tinungo ng mga awtoridad ang tahanan ng biktima kungsaan natagpuan itong wala nang buhay.

Sa pagsusuri, na­pag-alamang dalawang tama ng icepick sa dibdib ang ikinasawi ng biktima.

Selos umano ang sinasabing motibo sa krimen.

Pinaghahanap na ngayon ang biktima na nahaharap sa kasong homicide.