Una sa Balita

JBC nangitag mohulip sa mabakanting puwesto sa SC sa 2019

By
0 185

Gibuksan na sa Judicial and Bar Council (JBC) ang aplikasyon alang sa mabakanting puwesto sa Korte Suprema subay usab sa pag-retiro ni Associate Justice Noel Tijam sa January 5, 2019.

Sa gipahibalo sa JBC, giklaro ni SC Clerk of Court ug JBC Ex Officio Secretary Edgar Aricheta nga ang mga interesadong aplikante mahimong moduso sa ilang aplikasyon ug kumpletong mga requirement o nominasyon nga adunay ‘conforme’ sa buhatan sa JBC sa Korte Suprema sa Padre Faura, Maynila hagtud sa November 5, 2018, sa alas-4:30 sa hapon.

Pahimangnu sa JBC nga dili nila dawaton ang mga aplikasyon nga adunay kulang nga mga documentary requirement o mosubmit nga milapas sa gikatakdang deadline.

Si Tijam ang ikaduhang mahistrado nga gibutang sa pwesto ni Presidente Duterte sa Korte Suprema.

Miserbisyo siya sa labaw nga hukmanan niadtong March 8, 2017 hulip ni Associate Justice Arturo Brion.

Apan sa wala pa siya matudlo nga Korte Suprema nag serbisyo kini isip Judge sa Quezon City Regional Trial Court, ug isip associate justice sa Court of Appeals.

Classmate ni Tijam ang Presidente sa San Beda College of Law.

Sayo niini miduso ang JBC sa short list ni Presidente Duterte alang sa posisyon nga gibakante ni kanhi Supreme Court Justice Samuel Martires nga gitudlo nga Ombudsman, samtang gibuksan na ang proseso sa aplikasyon alang usab sa pagretiro ni Chief Justice Teresita De Castro ugma October 8, diin miabot ang mandatory retirement age nga 70.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy