Una sa Balita

Janitor nangawat ug bag sa NAIA, gisikop

By
0 196

Gisikop sa airport police ang usa ka janitor sa Ninoy Aquino International Airport (NAIA) Terminal 1 human kawata angnusa ka bag sa pasahero kagahapon sa Pasay City.

Giila ang nasikop nga si Rocky Catapang, 25, empleyado sa Philcare Janitor Services ug nadistino sa NAIA Terminal 1 departure area.

Matud ni Airport Police Erick Mejia, nahitabo ang pagkuha sa bag nga gipanag-iya sa usa ka Chinese nga si Liaoning Wang Huan niadtong Hulyo 28 sa alas-tres sa hapon dihang nahabilin sa biktima ang iyang bag sa lingkoranan sa waiting area sa pre departure.

Wala masayud ang janitor nga nakita siya sa CCTV pero ang iyang likod nga bahin ang nakita ug adunay nakabutang nga numero sa iyang uniporme nga 066.

Diha-duha gitangtang sa trabaho ug blacklisted na usab ang pangalan sa mga access pass sa NAIA terminals ang maong janitor.

Gipasakaan na kinig tukmang kaso.