Irving, Durant, Harden pinaiyak anak ni Randle

GALIT ako sa inyo!

Hindi nakontrol ng anak ni NBA star Julius Randle na si Kyden ang kanyang galit at pag-atungal matapos mapanood ang ama na nabigong manalo kontra Brooklyn Nets.

Sa viral video online ay kitang umiiyak ang batang si Kyden at sinasabing galit ito kina Nets cager Kyrie Irving, Kevin Durant at James Harden.

“I hate the Brooklyn Nets,” sey ng junakis ni Randle habang sumisigaw, umiiyak at tinuturo ang litrato ng ‘Big 3’.

“I hate those,” inosenteng pag-amin nito.

Nitong Martes ng gabi (Manila Time) ay na-olats kasi ang team ni Julius sa Nets, 112-114.

Hindi naging sapat ang nilista nitong triple-double na 19 points, 15 rebounds at 12 assists para masungkit sana ang matamis na panalo kontra powerhouse team na Brooklyn. (Aivan Episcope)