Una sa Balita

Iranian nagbinastos sa call center agent

By
0 252

Gisikop ang usa ka Iranian dihang naghikap sa pribadong bahin sa lawas sa usa ka dalaga nga call center agent samtang nagpaabot nga makasakay ug tricycle sa Taguig City.

Gitanggong sa Taguig City Police ang suspect nga si Mehdi Esfini Farahani, 29, ulitawo nagpuyo sa no.438 Pio Del Pilar, Makati City.

Samtang ang biktima nga gitago sa pangalan nga ‘Loren’, 21, nagpuyo sa Barangay Central Signal, sa maong siyudad.

Migawas sa report nga nadawat sa Southern Police District (SPD), nahitabo ang insidente mga alas-7:20 sa gabii sa atubangan sa Lakay’s Panciteria, MRT Avenue sa maong barangay.

Nagpaabot ang biktima ug iyang masakyang tricycle, miduol kaniya ang suspek ug gipugos nga gipangayo ang cellphone number niini ug dayun gihikap ang pribadong bahin sa iyang lawas sa makaduha kahigayun.

Daling nakadagan ang biktima ug daling misumbong ang dalaga sa iyang inahan ug nangayog tabang sa kapolisan nga miresulta sa pagsikop sa suspek.

Nag-atubang ang suspek ug kasong Acts of Lasciviousness.

This website uses cookies to improve your experience. We'll assume you're ok with this, but you can opt-out if you wish. Accept Read More