Una sa Balita

Industry 4.0

By
0 562

Sa nakalipas na pa­nahon, nakita po natin ang mabilis na pag-usbong ng mga bagong industriya na nagbunsod ng mga bagong uri ng trabaho.

Binansagan pong Industry 1.0 ang industria­l revolution na sumiklab taong 1800s. Binig­yang-daan naman ng pagkakatuklas ng elektrisidad ang Industry 2.0 kung saan naging posib­le ang mga assembly line at mass production.

Ang ikatlong era, ang Industry 3.0, ay nagsimula sa imbensyon ng computer. Ngayon, nasa Industry 4.0 na po tayo kung saan mas umiigting ang automation o ‘smart factory’ dahil sa paggamit ng internet of things (IOT) at artificial intelligence (AI) partikular sa manufacturing industry.

Abante Hiring – IT dep

Malaki po ang epekto nito sa paglikha ng trabaho dahil sa impluwensiya nito sa antas ng kakayahang dapat taglayin ng ­ating mga manggagawa. Ito po ang dahilan kung bakit nais nating maging ganap na batas ang Se­nate Bill 1431 o ang Tulong-Trabaho Bill. Layu­nin po ng ating panukala na magtakda ng Philippine Labor Force Competi­tiveness Program para tiyaking makakasabay ang mga Pinoy sa Industry 4.0.

Pagtutugmain po natin ang kakayahan ng mga worker sa mga bagong trabaho na hinahanap ng mga employer. Bagama’t hindi po natin mapipigilan ang patuloy na paglago ng teknolohiya, maaari naman nating mapanatili ang kasiguruhan sa trabaho ng ating kababayan.

Sa pag-aaral po kasi ng International Labor Organization, magiging­ automated sa susunod na dalawang dekada ang 25% ng mga trabaho sa buong Southeast Asia, kabilang ang Pilipinas. Sa tingin po natin, maaapektuhan nito ang mga low-skilled job dahil pinangangambahang mapapalitan ito ng mga robot o AI.

Related Posts

Ang solusyon po natin dito: bigyang-diin ang STEM o mga pagsasanay na may kinalaman sa science, technology, engineering at mathematics at higher technology qualifications sa larangan naman ng Technical & Vocational Education and Training o TVET. Kung magkatugma po ang skills at trabaho, hindi mahihirapang makakuha ng hanapbuhay ang ating kababayan.

Kaugnay po nito, bubusisiin natin ang bud­get ng DepEd, CHED, TESDA at DOST para tiyaking may sapat na bilang ng mga mag-aaral na nasa programang STEM at TVET. Ipapanawagan din nating mag-convene ang Curriculum Consulta­tive Committee sa ilalim ng K-12 Law nang lalong matiyak na tugon sa Industry 4.0 ang bago na­ting kurikulum.

Bukod sa STEM at TVET, dapat din pong palalimin ang leadership, communication, creativi­ty, innovation at higher-order thinking skills ng mga estudyante. Ipinagdidiinan po kasi ng mga bagong pag-aaral na kailangan ang soft skill para madaling makakuha ng trabaho ngayon.

Hinihikayat din natin ang TESDA na bumuo pa ng mga higher technology qualification para makapag-focus tayo sa mga trabahong akma sa mga intelligent o smart factory.

Sa patuloy na pagtindi ng Industry 4.0, iaa­ngat po natin ang mga skill ng mga Filipino at ihahanda sila sa mga bagong trabahong magbibigay sa kanila ng pag-asenso.

Job Fair Schedule
LGU Meycauayan Job Fair
Meycauayan Convention Center
Meycauayan, Bulacan
May 28
BSU Job Fair
Bulacan State University Valencia Hall
Capitol View Park, Brgy. Guinhawa Malolos, Bulacan
May 29
Central Mindanao University Job Fair
Farmer’s Training Center, CMU University Town Musuan, Maramag, Bukidnon
May 29
PESO Tanay Job Fair
Activity Center of Tanay Municipal Hall
Tanay, Rizal
May 30
PESO-LGU Valencia City
City Covered Court, Valencia City Hall
Valencia City, Bukidnon
May 30
ASCOT Job Fair
Ascot Gym, Baler, Aurora
May 31
Provincial Government of Ilocos Sur Job Fair
Capitol Building, Vigan City, Ilocos Sur
June 1
PESO-Iloilo Province
Iloilo Provincial Capitol Lobby & Casa Real De Iloilo

(senatorjoelvillanueva@yahoo.com) (Joel Villanueva)