Una sa Balita

Importer og broker sa ukay-ukay ug sigarilyo kasuhan sa BOC

By
0 34

Mag-atubang karon ug reklamong nga may kalambigitan smuggling ang mga importer ug broker nga mipasulod ug mgaukay-ukay, sigarilyo ug mga produktong agrikultura sa Department of Justice (DOJ).

Ang reklamo gisang-at sa Bureau of Customs (BOC) batok sa JJTS International Trading, Gandar International Import and Export Trading, Proline Logistics Philippines Incorporated, ZJDP Trading ug Paragon Platinum International Trading Corporation.

Ang maong mga kompanya gipasakaan ug kaso tungod sa paglapas sa Customs Modernization and Tariff Act, Republic Act 4653 paglapas sa Article 171 ug 172 sa Revised Penal Code (falsification of documents).

Lakip sa gipasakaan ug kaso silang Emelita Peralta ug licensed customs broker nga si Toni Rose Amoyen sa JJTS International Trading tungod kay gi misdeclared nga lima ka shipment sa fabrics, tissue ug sibuyas niadtong September 26, 2017 sa Manila International Container Port; mao usab si Theng Mino Gandar sa Gandar International Import and Export Trading tungod sa pagpasulod sa mga ukay-ukay nga gikan sa China sa MICP niadtong September 2017.

Ang ika tulong kaso nga gisang-at batok sa mga opisyal sa Proline Logistics Philippines nga gipangulohan sa ilang presidente nga si Wilma Bautista tungod usab sa pagpasulod sa ukay-ukay nga gikan sa Hong Kong.

Giakip usab sa kaso ang tag-iya din sa ZJDP Trading nga si Zara Jane Dizon Panganiban tungod sa pagpasulod sa tulo ka container sa sibuyas ug patatas gikan sa China nga walay phytosanitary permit gikan sa Department of Agriculture.

Ang ika lima nga kaso batok sa Paragon Platinum International Trading Corporation tungod sa illigal nga importasyon sa mga sigarilyo niadtong February 21, 2018, lakip na ang tag-iya niini nga si Erin Jorge Sumile ug broker nga si Bernadine Miranda.