Una sa Balita

Ika-5 nga China visit ni Duterte, plansado na

0 188

Plansado na ang pagpangandam alang sa ikalimang higayun nga pagbisita ni Presidente Rodrigo Duterte sa China sa August 28 hangtud sa September 1, 2019.

Matud ni Foreign Affairs Assistant Secretary Meynardo Montealegre sa departure briefing sa Malacañang nga pipila ka mga kasabutan ug memorandum of agreement ang gipaabot nga pirmahan sa biyahe sa Presidente.

Lakip niini ang mga kasabutang nga kabahin sa edukasyon, agham ug teknolohiya, ekonomiya ug social development.

Adunay himoung bilateral meeting silang Presidente Duterte ug Chinese President Xi Jinping diin gipaabot ang mga hisgutanan nga makapahimolus ang Pilipinas ug China.

“The President will hold bilateral meeting with President Xi Jinping to discuss the accomplishments as well as the shared goals of the Philippines and China under our Comprehensive Strategic Cooperation,” matud ni Montealegre.

Ito ang ika-walo nga panagtagbo sa Presidente ug President Xi, ug gipaabot nga ablihan sa Presidente kang Chinese President ang kabahin sa arbitral ruling nga mipabor sa Pilipinas sa giilogang teritoryo sa West Philippine Sea.

Gawas sa bilateral meeting mahimong busy ang Presidente sa mga nakalinya nga kalihukan sa iyang working visit sa China sa sunod nga semana. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy