Una sa Balita

Ika-10 panalo babrasuhin ni Perez, Lyceum Pirates

By
0 139

Mga laro ngayon:
(FilOil Flying V Centre)

2 p.m.- LPU vs SSCR (srs)
4 p.m.- SBU vs JRU (srs)

Standings W L
LPU 9 0
SBU 8 1
Letran 6 3
CSB 6 3
UPHSD 5 4
AU 4 5
Mapua 2 7
EAC 2 7
JRU 2 7
SSC 1 8

WIN No. 10 ang bibigwasin ng last year runner-up Lyceum of the Philippines University pagharap sa San Sebastian College sa simula ng second round eliminations ng 94th NCAA basketball tournament sa FilOil Flying V Centre sa San Juan City.

Winalis ng Pirates ang first round, muling kakapitan si reigning Most Valuable Player (MVP) CJ Perez kontra Stags sa alas-dos nang hapon.

Bahagyang napahirapan ang Intramuros-based squad LPU nang talunin nila ang San Sebastian 85-80 sa first round.
Ibabangga ng Stags ang pambato nila si RK Ilagan na galing sa three-game suspension matapos mahuli na nag­lalaro sa ligang labas.

Alam ni LPU coach Topex Robinson na mahirap kalaban ang Stags.

“San Sebastian is always a tough opponent, complete or not. We just have to always be prepared,” sambit ni Robinson.

Nasa ilalim ng team standings ang SSC kasama ang 1-8 card.

Samantala, makaka­laban ng defending champion San Beda University ang Jose Rizal University sa alas-kuwatro.

Nakaupo ang Red Lions sa second spot sakmal ang 8-1 record habang may 2-7 karta ang Heavy Bombers.