Una sa Balita

Ihatag na ang 13th month pay – DOLE sa mga employer

By
0 219

Gipasidan-an ni Department of Labor and Employment (DOLE) Secretary Silvestre Bello III ang mga employer sa pribadong sektor kabahin sa 13th month pay sa ilang mga kawani.

Kini subay sa gipagawas nga labor advisory ni Bello diin giklaro niini ang ihatag na ang 13th month benefit isip pag-ila sa mga mamumuo nga maoy nag-unang puwersa sa productivity, competitiveness ug profitability da kompanya.

Pagpasabot pa sa kalihim, obligado ang mga employer nga mohatag og 13th month pay subay kini sa gimbut-an sa Presidential Decree No. 851 ug sa Implementing Rules and Regulation niini.

Ubos sa balaod, ang 13th month pay katumbas kini sa usa ka bulan nga sweldo sa mamumuo kung nagtrabaho siya sa kompanya sulod sa usa ka tuig.

Subay usab sa computation sa DOLE, ang kantidad sa 13th month pay masuta kung matunga sa 12 ang kinatibuk-ang kantidad sa basic salary nga nakita sa mamumuo sa tibuok tuig.

Ang paghatag sa 13th month pay kinahanglan nga mahatag sa dili pa ang December 24 ug walay gipilin posisyon o employment status, basta ang mamumuo nagtrabaho sa dili moubos sa usa ka bulan sulod sa calendar year.

“Every covered employer shall make a report of his compliance with the law to the nearest Regional Office not later than January 15 of each year,” matud sa advisory.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy