HIRIT NA!: “40 Shades of B”

By

Sa susunod na linggo, isang go­vernment official na itatago natin sa pangalang ‘Angry Bird’ ang sasampahan ng patung-patong na kaso ng kanyang sariling asawa.

Nauna rito, natuklasan ni Mrs. Public Official na may itinatagong condominium unit si Mr. Angry Bird sa Pasig City dahil hindi kasama ang kanyang pangalan.

Sa kanyang paniniktik, nalaman niya na madalas na may dala na bayarang babae ang isang bugaw sa naturang yunit. Inaalam pa kung pati call boy ay kasama rin sa bumibisita kay Mr. Angry Bird.

Sa paghalughog nga ni Mrs. Public Official natuklasan pa nito sa kuwarto ang isang ‘latigo’. Hindi pa batid kung ang ‘latigo’ ba ay proteksyon sa magnanakaw o ginagamit sa tinatawag na wild sex.

Minsan na kasing napansin ng mga kawani sa tanggapan ni ‘Angry Bird’ na paika-ika itong pumasok sa kanyang tanggapan.

Tinangka pa ni ‘Angry Bird’ na pigilan ang pagsasampa ng kasong annulment ng kanyang maybahay at sinuyo na magsimula silang muli. Pero hindi pumayag ang huli.

Bukod pa kasi sa ‘latigo’, may natuklasan pa si Mrs. Public Official sa yunit ni ‘Angry Bird’ na P400 milyong cash at mga depository slip at iba pang mga mapanganib na dokumento.

Dito na lalong nagalit si ‘Angry Bird’ at binantaan ang kanyang Mrs. na ‘di susustentuhan ang apat nilang anak. Ikinakalat pa ni ‘Angry Bird’ na naunang nangaliwa at nanlalaki si Mrs. kaya nagkagulo ang kanilang relasyon.

Pero ‘di natakot si Mrs. Public Official na nasa pangagalaga ngayon ng isang prominenteng abogado.

Nang makausap ng pitak na ito ang naturang abogado kinumpirma niya ang situwasyon ngayon ni ‘Angry Bird’.


Ayon pa sa abogado nasa humigit kumulang P2 bilyon ang ill gotten wealth o undeclared assets ni ‘Angry Bird’ kaya bukod sa annulment case ay nakatakda rin siyang sampahan ng iba’t ibang kaso ng katiwalian sa mismong araw ng kanyang birthday.

Huwaw! Ang saklap naman n’yan!

***

CLUE: Si ‘Angry Bird’ ay isang presidential appointee.

JUKEBOX: “HINDI KITA MALILIMUTAN” ni Basil Valdez at “MOON RIVER” ni Andy Williams
Lord Kayo na po ang bahala.

SHARE