Abante Online
Abante is the leading Tagalog-language tabloid paper in the country.

Hindi makaihi

0 704

Naging abala ang karamihan noong nakaraang linggo sa pagbati ng “Happy Father’s Day sa mga ama na siyang haligi ng tahanan. Dahil sa hindi basta basta makalabas ang mga senior citizens, idinaan sa pagtawag sa telepono o sa video call, sa social media, upang iparating sa ang pagbati. Ang iba naman ay nagpadala ng mga regalo at pagkain sa mga couriers para mag mistulang magkakasabay sa pagsalusalo. Ang new norm nga naman.

Sa pag-gunita sa Father’s Day, pagusapan natin ang isang sintomas sa mga kalalakihan pag nagkaedad, ang hirap sa pagihi. Maaaring mapansin ang madalas na pagihi, na parang patak patak lang ang lumalabas, o di kaya, hindi mailabas lahat kaya dumadalas ang pagbalik sa banyo. Ang dahilan nito ay ang Benign Prostatic Hypertrophy (BPH) o lumalaki ang prostata.

Ang prostata ay kasama sa reproductive system ng mga kalalakihan. Nasa ilalim ito ng pantog na nakapalibot sa huling daanan ng ihi na tinatawag na urethra. Ang layunin nito ay maglabas ng likido na kasama ng semilla. Mas maliit ng kaunti sa siniguelas at maaaring lumaki habang tumatanda dahil na din sa pagbaba ng hormones ng lalaki. Kung mangyari ito, maiipit ang pagdaloy ng ihi. Ang mga urologists ang makakatulong dito. Magpapagawa ng exam, gaya ng urinalysis, ultrasound, o mga scans para malaman ang sukat, at request sa dugo ng prostate stimulating antigen o PSA para malaman kung ang talagang BPH o ang sanhi ay maaaring cancer. Higit sa lahat, makagawa ng simpleng eksaminasyon, ang digital rectal exam para masalat ang prostate o silipin sa pamamagitan ng cystoscopy. Sila din ang makakapagbigay ng mga gamot para sa pagtigil sa paglaki nito. Kung talagang hirap na sa pagihi ay nagsasagawa ng operasyon, ang transurethral retrograde prostatectomy o TURP.

Your email address will not be published.