Hindi ako na-expose kay Cong Yap – Sotto
Inihayag ni Senate President Vicente Sotto III na hindi siya na-expose kay ACT-CIS party-list Rep. Eric Go Yap na nagpositibo sa coronavirus o COVID-19.
“I’m still in home quarantine, though I don’t think I was exposed to him,” pahayag ni Sotto sa kanyang mensahe sa mga reporter.
Paliwanag ng senador, nangyari ang pagpupulong noong Sabado sa tanggapan ni Executive Secretary Salvador Medialdea at hindi naman umano kasama doon si Yap.
“The meeting with them was very short. The real meeting transpired in the office of ES Medialdia and he was not included,” ani Sotto.
“Then Pia (Cayetano) said he was wearing a mask most of the time except for a Pic that’s why I did not see or recognize him (Yap),” dagdag pa nito.
Sa ngayon aniya’y maayos ang kanyang pakiramdam at muling sasailalim sa COVID-test.
“I’m fine but people think I should take a test again, I can and I will,” ayon pa sa Senate President. (Dindo Matining)