Una sa Balita

Higit 60 patay sa sobrang lamig sa Europa

0 2,678

Higit sa 60 katao ang patay sa sobrang lamig sa Europa kung saan pinakamarami dito ay sa Poland na may 23 ang natodas dahil sa sub-zero temperatures.

Karamihan sa mga namatay sa Poland ay ang mga tinaguriang ‘rough sleepers’ o mga taong natutulog lang sa kalsada, parke, bus station at iba pang open space.

Idinadaan na lang nila sa pag-inom ng alak ang sobrang lamig pero nang pumalo sa -15C ang temperatura nitong mga nakalipas na araw, hindi na nila ito kinaya hanggang sa kanilang ikamatay.

Naitala din ang patay dahil sa sub-zero temperature sa Slovakia, Czech Republic, Lithuania, France, Spain, Italy,­ Romania, Serbia, Slovenia, Britain, Netherlands, Sweden at Norway.

Isa sa tatlong namatay sa Spain ay natutulog sa abandonadong trak.

Ang sobrang lamig sa Europe ay dulot ng sinasabing Siberian wea­ther system kung saan binansagan ito na ‘the Beast from the East’, ‘Siberian bear’, at ‘snow cannon’.