Una sa Balita

Hero cop sa Misamid gibisita ni Duterte

By
0 329

Gibisita ni Presidente Rodrigo Duterte ang haya giilang “hero cop” nga si Police SMSGt. Jason Magno nga namatay sa pagbuto sa granada sa Initao, Misamis Oriental niadtong November 28.

Personal nga gitunol sa Presidente pahasubo sa pamilya ni Magno ug gihatagan kinig posthumous Medal of Valor.

Gipasidunggan usab sa Presidente ang namatay nga polis sa Order of Lapu-Lapu Magalong Medal.

Namatay si Magno human mibuto ang granadang nga gigunitan sa suspek nga si Ibrahim Bashier sa usa ka tunghaan samtang gisikop kini.

Naangol usab sa insidente ang kaubang polis ni Magno nga si Police SMSgt. Alice Balido nga gipasidunggan usab sa Presidente og Order of Lapu-Lapu Kampilan medal ug gihatagan ug tabang-pinansiyal, bag-ong armas, relo ug cellphone.

Sa wala pa mibisita si Duterte sa haya sa namatay nga polis, miadto una kini sa Legazpi City diin iyang gitan-aw ang kadaut nga gibilin sa Bagyong “Tisoy.”

This website uses cookies to improve your experience. We'll assume you're ok with this, but you can opt-out if you wish. Accept Read More