Una sa Balita

Hepe sa Cavite Maritime Police, gisikop tungod sa extortion

By
0 347

Gidakop ang usa ka taas nga opisyal sa maritime police sa mga operatiba sa Philippine National Police (PNP) Counter-Intelligence Task Force (CITF) tungod sa giingong pagpangingikil sa mga mananagat sa Tanza, Cavite.

Naaresto si Supt. Armandy Dimabuyo, hepe sa 402nd Cavite Maritime Police Station, sa entrapment operation nga gihimo sa sulod sa iyang panimalay sa Barangay Julugan 5.

Gitangtang usab ang tanang sakop sa Cavite Maritime Section ug gihulipan sila sa Special Operations Unit sa Maritime Group samtang giandam ang kaso nga robbery-extortion ug administratiba batok ni Dimabuyo.

Gihimo ang entrapment human mireklamo ang pipila ka tag-iya sa motorized bancas kabahin sa pagpangayog kuwarta sa mga suspek sa asosasyon sa mga mananagat sa lugar.

Ang kuwarta giingong isip “protection money” aron lang makapangisda ang mga fisherman sa kadagatan sa Tanza diin gidili ang dagkung mga bangka.

Nadakpan si Dimabuyo sa aktong midawat sa kuwarta nga P18,000 sa usa sa mga nagreklamo.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy