Una sa Balita

Habagat pinalalakas ng 2 bagyo — PAGASA

By
0 65

Lumakas pa kahapon ang bagyong “Gorio” habang kumikilos papa­labas ng Pilipinas suba­lit isa pang bagyo ang namataan sa labas ng teri­­toryo ng bansa na nagpapalakas sa habagat.

Sa weather bulletin ng Philippine ­Atmospheric, Geophysical and Astronomical Services Administration (PAGASA), alas-kuwatro ng hapon kahapon nang huling namataan ang bagyong “Gorio” sa layong 300 kilometro ng silangan ng Basco, Batanes.

Taglay nito ang lakas ng hangin na ­hanggang 120 kilometer per hour malapit sa gitna at pagbugsong hanggang 145 kilometer per hour. ­Ku­mi­kilos ito sa bilis na 15 kilometro kada oras.

Tinataya ng ­PAGASA na lalabas na ng Philippine Area of Responsibility (PAR) ang bagyong “Gorio” sa Linggo.

Samantala, namataan din ng PAGASA sa West Philippine Sea at nasa tina­tayang 600 ­kilometro ng kanluran ng ­Calayan, Cagayan ang isa pang tropical depression subalit nasa labas pa ito ng PAR.

Posible umanong pa­la­­kasin ng ­dalawang bagyo ang umiiral na south­west monsoon o habagat na magdadala ng katamtaman hanggang sa paminsan-minsang mala­kas na pag-ulan sa western Luzon kabilang ang Metro Manila at mahina hanggang sa katamtamang lakas ng ulan sa iba pang bahagi ng Luzon.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy