Una sa Balita

Gikompirmar ni Mar Roxas nga modagan siya pagka-senador

By
0 58

Pormal na nga gibutyag ni Mar Roxas ang tinguhang subli kining mobalik sa politika sa 2019 midterm elections.

Sa Facebook post sa iyang official page, gibutyag niya ang iyang gibati alang sa nasud human sa iyang pagserbisyo sa kagamhanan.

“Naibigay ko na ang lahat ng kaya kong ibigay, may mga pagkukulang. Pero masasabi ko, buong-buo kong ibinigay ang sarili ko sa bansa at sa kapwa.. Nagsilbi ako ng tapat at malinis, tumutuo ako sa mga prinsipyo,” matud ni Roxas.

Pagpasabot usab ni Roxas nga malipayon na siya sa iya g kinabuhi ilabi na nga adunay insaktong panahun sa iyang pamilya.

“And so here we are, I don’t have any quit in me, and I won’t quit on our country,” pagpasabot niya.

Nasayran nga kanhi standard-bearer si Roxas sa Liberal Party niadtong 2016 diin midagan siya pagka-Presidente apan napakyas kini dihang iyang gikaatbang si Presidente Rodrigo Duterte.