Una sa Balita

Fuel surcharge sa mga eroplano, ilakip na sa plete sa pasahero

By
0 47

Goodbye promo fares!

Human sa makuti nga pagtuon gitugotan sa Civil Aviation Board (CAB) ang mga airline company nga mopahamtang ug fuel surcharge sa ilang mga pasahero.

Matud ni Transportation Undersectary for Aviation Manuel Antonio Tamayo, nga tungod niini hayan mosaka ang pamelite sa mga eroplano.

Sa fare matrix sa CAB, nga mahimong mosaka ug P34 hangtud P800 pesos ang dugang nga pamelite sa domestic flights.

Sa international flights, mahimong mosaka ang pamelite gikan sa P163 hangtud P8,000.

Kung long haul sama sa mopaingon sa America o sa United Kingdom, mahimong mosaka gikan sa P1,500 hangtud sa P10,000 ang pamelite

Matud ni CAB executive director Carmelo Arcilla, nga mahimong tangtangon pag-usab ang fuel surcharge kung ang $90 matag bariles nga aviation fuel manaug kini sa $70 dollars.

Niadtong 2014, gitangtang ang fuel surcharge dihang miubos ang aviation fuel sa $67 matag bariles.