Una sa Balita

French hotel ug restaurant kulang og mga kawani

By
0 31

Mihangyo ang mga owner sa mga hotel ug restaurant sa France sa gobyerno aron i-regular ang daghang illegal migrants aron makapahimos ang 100,000 libreng trabaho sa ilang grupo.

Matud ni Roland Heguy, presidente sa hotel industry body UMIH nga giingong nagkuwang sila karon ug mga kawani ug dili sila makakita ug mga tawo nga ibutang sa maong posisyon.

Labing daghang bakante sa hospitality sector, partikular sa kitchen work ug cleaning jobs nga dili attractive sa kadaghanan.

Sa pagpakigtagbo sa gobyerno niadtong Hulyo, nanawagan ang hotel industry sa Fench government nga mohimo kinig balaod aron mapadali ang proseso sa pagkuha ug mga migrants.

Matud ni Heguy, mahiko silang mo-hire dihadiha ug 100,000 job contracts, katunga niini mga permanent positions ug katunga niini mga seasonal jobs.

Niadtong 2017, nakadawat ang French government ug record nga 100,000 asylum request, 17 porsiyento nga taas niadtong 2016.