Una sa Balita

Fighter jet panghadlok sa Iran sa America

By
0 128

Gipamita sa Iran ang bag-o nilang fighter jet niadtong Martes.

Giingong aduna kini advanced avionics, fire control systems ug kaya kining makalupad sa altitude nga 45,000 ka tiil, sa gikusgon nga Mach 1.2.

Gitawag kini nga “Kowsar” ang fighter jet, nga nagpasabot sa Islam nga usa ka sapa sa paraiso. Titulo usab kini sa usa ka chapter sa balaang libro sa mga Muslim nga Koran.

Usa kini sa fourth-generation fighter ug gikataho nga “100 porsiyento nga indigenously made”.

Sa gihimong seremonyas, matud ni President Hassan Rouhani, nga ang defense program sa Iran nagtinguha nga pakusgan ang ilang abilidad aron maghuna-huna pa ang Amerika kun ilang girahun sila

“The enemy should see how expensive an invasion of Iran would be,” aniya. “Why does not the U.S wage a military attack on us? Because of our power.”

Nasayran nga gi-renew sa US ang sanctions niini sa Iran human kuhaa ni President Donald Trump ang Amerika sa nuclear deal tali sa Iran ug ubang gamhanang mga nasud.