Una sa Balita

FDA nagbabala vs nebulizer mask

0 620

PINAG-IINGAT ng ­pamunuan ng Food and Drug Administration (FDA) ang publiko sa paggamit o ­pagbebenta ng produktong “Doc Check” nebulizer mask na hindi rehistrado.

Sa isinagawang post marketing surveillance ng FDA na ang nabanggit na nebulizer mask ay hindi rehistrado at ­hindi dumaan sa kanilang pagsusuri.
Dahil rito, hindi ­tiyak ng ahensya ang anumang epektong madudulot ng sinumang gagamit nito.

Pinayuhan ng FDA ang lahat ng mga ­bilihan ng mga medical ­supply maging ang mga gumagamit ng nasabing produkto na iwasan ang pagtangkilik nito at ­paggamit.

Sa ilalim na rin ng Republic Act No. 9711 o food and drug admi­nistration act of 2009 ay mahigpit na ipinagbabawal ang pagbebenta, pag-aangkat, pag-e-export at ­pag-e-endorso, ng mga produktong ­hindi rehistrado sa ­nasabing ahensya.

Panawagan ng FDA na ­kinakailangan munang dumaan sa kanilang pagsusuri ang anumang mga ­produkto na ginagamit ng isang tao upang matiyak ang kaligtasan nito. (­Armida Rico)

This website uses cookies to improve your experience. We'll assume you're ok with this, but you can opt-out if you wish. Accept Read More