Una sa Balita

Ex-RCBC manager kulong sa $81M money laundering

By
0 563

HINATULAN ng guilty ng Makati City Regional Trial Court (RTC) ang dating branch manager ng Rizal Commercial Banking Corporation (RCBC) na si Maia Santos-Deguito sa salang money laundering kaugnay ng $81 milyong ninakaw ng mga hacker sa Bangladesh central bank noong 2016.

Sa 26-pahinang desisyon ni Makati RTC Judge Cesar Untalan ng Branch 149, hinatulan nito si Deguito na makulong ng 4 hanggang 7 taon sa bawat count ng walong kaso ng money laundering.

Pinagmumulta rin ito ng halagang $109,520,044.

Si Deguito ay kinasuhan ng gobyerno dahil sa ginawang pag-asikaso sa paglilipat ng ninakaw na pera mula sa Bangladesh central bank patungo sa apat na account sa RCBC branch sa Jupiter Street, Makati City noong Pebrero 2016.

Mula sa multiple account na ginamitan ng mga pekeng pangalan, ang ninakaw na pera ay pinagsama-­sama sa isang US dollar account sa pangalan ni Filipino-Chinese businessman William Go, bago ito hinugot sa bangko at inilipat sa tatlong casino sa bansa.

Samantala, nakatakdang maghain ng motion for reconsideration (MR) ang kampo ni Deguito kasunod ng guilty verdict ng korte.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy